| | بنت الجيران |  |
|
+7bobaia Marioma امانى يويو emy MEMEx Islam Zayyan 11 مشترك |
| كاتب الموضوع | رسالة |
|---|
Islam Zayyan
عضو برونزى
عدد المساهمات : 272
السٌّمعَة : 2
تاريخ التسجيل : 09/01/2011
العمر : 32
| | موضوع: بنت الجيران الثلاثاء مارس 01, 2011 9:25 am | |
| بنت الجيران
حدث فى حقبة من حقب الزمن...
الحكاية بتبدأ من حوالى سنتين....
العفش بينزل من على عربية النقل...
و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...
و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...
لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
"
***********
"
"
"
قالتلى عندى 3 سنين
رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض
ما هو انا برضه اتخميت
فقلت لازم اعمله فيكم | |
|
| | |
MEMEx
مشرف اضحك كركر
عدد المساهمات : 364
السٌّمعَة : -1
تاريخ التسجيل : 18/08/2010
العمر : 33
| | موضوع: رد: بنت الجيران الثلاثاء مارس 01, 2011 1:09 pm | |
| قسم النبى حرسك وصينك
تتربى فى عزو | |
|
| | |
emy
مشرف قسم الصور
عدد المساهمات : 1308
السٌّمعَة : 14
تاريخ التسجيل : 13/05/2010
العمر : 34
| | موضوع: رد: بنت الجيران الثلاثاء مارس 01, 2011 1:49 pm | |
| ياخراشي ع رفيده
سكررررررررر | |
|
| | |
Islam Zayyan
عضو برونزى
عدد المساهمات : 272
السٌّمعَة : 2
تاريخ التسجيل : 09/01/2011
العمر : 32
| | موضوع: رد: بنت الجيران الثلاثاء مارس 01, 2011 10:37 pm | |
|
منورين يا جماعة
حد عاز روفيدة
هههههههههههههه
| |
|
| | |
يويو
عضو مميز
عدد المساهمات : 182
السٌّمعَة : 0
تاريخ التسجيل : 25/01/2011
العمر : 31
| | موضوع: رد: بنت الجيران الأربعاء مارس 02, 2011 5:19 am | |
| حرام عليك دا انت عيشتنا فى القصه | |
|
| | |
امانى
مشرفه قسم الاسلاميات
عدد المساهمات : 1085
السٌّمعَة : 4
تاريخ التسجيل : 30/09/2010
العمر : 37
| | موضوع: رد: بنت الجيران الأربعاء مارس 02, 2011 4:18 pm | |
| انت قولت ان عندها 3 سنين صح طب عال خالص د ى مناسبة جداااااا ليك يا اسلام يلا ع الخيط والبكرة
نايس توبيك | |
|
| | |
Marioma
مشرف القسم الأدبى
عدد المساهمات : 1454
السٌّمعَة : 9
تاريخ التسجيل : 17/05/2010
العمر : 37
| | موضوع: رد: بنت الجيران الخميس مارس 03, 2011 7:17 pm | |
| هههههههههههههههههههههههه
لا حلوة يا اسلام
تسلم الايادى | |
|
| | |
bobaia
مشرف اضحك كركر
عدد المساهمات : 960
السٌّمعَة : 18
تاريخ التسجيل : 28/06/2010
العمر : 32
| | موضوع: رد: بنت الجيران الأحد مارس 13, 2011 5:03 pm | |
|
لا بجد يااسلام كنت هاموت من الضحك تسلم على التوبيك الجامد ده
| |
|
| | |
monna
مشرفه قسم البنات
عدد المساهمات : 557
السٌّمعَة : 7
تاريخ التسجيل : 30/06/2010
العمر : 33
الموقع : القاهره
| | موضوع: رد: بنت الجيران الأحد مارس 13, 2011 9:09 pm | |
| هههههههههههههههههههههههه
تسلم ايدك يا اسلام
حرام عليك انا كنت عايشه معاك القصه مع روفيده
ناااااااااااااااااااااااايس توبيك
| |
|
| | |
dony2003
عضو فضى
عدد المساهمات : 300
السٌّمعَة : 1
تاريخ التسجيل : 28/07/2010
العمر : 32
| | موضوع: رد: بنت الجيران الإثنين مارس 14, 2011 4:58 pm | |
| ههههههههههههههههههههههههههه نااااااااااااايس يا اسلام بجد روعه | |
|
| | |
Islam Zayyan
عضو برونزى
عدد المساهمات : 272
السٌّمعَة : 2
تاريخ التسجيل : 09/01/2011
العمر : 32
| | موضوع: رد: بنت الجيران الجمعة أبريل 01, 2011 7:48 pm | |
| | |
|
| | |
اسماء الاكشر
عضو جديد
عدد المساهمات : 3
السٌّمعَة : 0
تاريخ التسجيل : 17/06/2011
العمر : 34
| | موضوع: رد: بنت الجيران الجمعة يونيو 24, 2011 10:24 pm | |
| | |
|
| | |
basant
عضو جديد
عدد المساهمات : 3
السٌّمعَة : 0
تاريخ التسجيل : 22/04/2011
العمر : 33
| | موضوع: رد: بنت الجيران الثلاثاء يونيو 28, 2011 2:43 pm | |
| | |
|
| | |
| | بنت الجيران | |
|
