طريقة عمل البوفتيك
المقادير
نصف كيلو لحم بتلو مقطع شرائح
1بصلة مبشورة
1طماطم مبشورة
4فصوص ثوم مدقوقين
3ملاعق خل هاينز الخل دة مركز وحلو قوى
نصف ليمونة
شوية لبن اللبن بيخلى اللحم طرى
ملح وفلفل وبهارات وزنجبيل
بقسماط ودقيق متبل وبيض
اولا بالنسبة للحم لازم تخلى الجزار يدقة علشان يستوى كويس
وتشيلى الدهون اللى فى الجنب علشان اللحم ميتقوسش اثناء التحمير
طريقة التحضير
اخلطى المكونات السابقة مع بعضها البعض مع العصر الخفيف علشان السوائل تنزل وبعد كدة تحطى اللحم على التتبيلة ويفضل انك تعمليها قبلها بيوم
تجيبى اللحم وتغطية بالدقيق ثم البيض ثم البقسماط
وتضعي البوفتيك فى الثلاجة علشان البقسماط يمسك فى اللحمة كويس
وبعدين تقلى البوفتيك فى الزيت على نار هاديةاوعى تعلى النار البقسماط هايغمق واللحم مش هاتستوى
ممكن تكلية مع البطاطس المحمرة والسلطة
وبالهنا والشفا
الرئيسية 
