طاجن باميه باللحم الضانى"

"طاجن باميه باللحم الضانى"
المكونات

كيلو باميه

كميه كبيره ثوم حوالى 4 ملاعق كبيره مفرومه

كيلو لحم ضانى ويفضل ان الدهن يكون فيه كتير

فلفل اسود وملح

الطريقة

اولا نقمع الباميه زى الشكل ده
[ندعوك للتسجيل في المنتدى أو التعريف بنفسك لمعاينة هذه الصورة]

ونجهز كمية الثوم
[ندعوك للتسجيل في المنتدى أو التعريف بنفسك لمعاينة هذه الصورة]

نسوى اللحمه لمدة 45 دقيقة ونجيب الشوربه الخاصة بيها ونضع بها الباميه كالشكل التالى

[ندعوك للتسجيل في المنتدى أو التعريف بنفسك لمعاينة هذه الصورة]

ويفضل وضع حوالى ملعقة شاى توم مفروم نيئ مع الشوربا والباميه علشان تدى نكهه حلوة
ونتركهم على النار مع الفوران والتقليب لمدة 15 دقيقة وقبل ما تطفى عليهم ب 5 دقائق ضعى اللحمه وفى اثناء الفتره دى تجيبى باقى الثوم المفروم وتسويه فى 3 ملاعق زبده او سمن بلدى شبه مجمده ويتم تقليب الثوم فى السمن حتى يقارب من اللون الاصفر ولاحظى ان الثوم اذا زاد تسويتة عن كده يخلى طعم الاكله مش حلو وضيفيه للبامية
وبعد كده تجيبى طاجن او صينيه اذا ما توفرش الطاجن وتحطى الكميه فيه زى الشكل ده
[ندعوك للتسجيل في المنتدى أو التعريف بنفسك لمعاينة هذه الصورة]

وتحطيه فى فرن درجة حرارتها من 140 الى 180 من 30:45 دقيقة وبعد كده تفتحى الشواية لتحمير سطحها علشان تدى لون حلو لمدة 10 دقائق وتقدمى معاهم الارز والسلطة وبالهنا والشفا

[ندعوك للتسجيل في المنتدى أو التعريف بنفسك لمعاينة هذه الصورة]

ملحوظه متقدميش الطاجن فور خروجه مباشرة لانه بيكون ساخن جدا استنى نصف ساعه وقدميه

[/center]

تسلـــــــم أيدك يا مريومة
بس انتى كدة جووووعتنينااااا.......

ساميه محرقتش البامييييييييييييييييييييييه
اصدى
مريم محرقتش الباميييييييييييييييييييييييه

NoNa كتب:: تسلـــــــم أيدك يا مريومة
بس انتى كدة جووووعتنينااااا.......

معلش يا نونا مكنتش أقصد
نورتينى بردك يا جميلة

Admin كتب:: ساميه محرقتش البامييييييييييييييييييييييه
اصدى
مريم محرقتش الباميييييييييييييييييييييييه

هههههههههههههههههههههههههه
مش يمكن تكون محروقه
منورنى

همممممممممممممممممم مببحبهاش بس باكلها

FIGO كتب:: همممممممممممممممممم مببحبهاش بس باكلها

بالهنــــــــــــــــــــــــا والشفــــــــــــــــــــــــــــا

الله عليكى يامريومه دى من الاكلات المفضله ليا

انا مش بحبها بعملها بس
نورتينى

ده نورك انتى ياقمر بس برده انا بحبها موت ولسه اكلها كمان شوفتى حد يفطر باميه

بالهنا والشفا أنا زيك كده بس فالمسقعه
ممكن أفطر مسقعه واتغدى واتعشى بيها

حد يفطر باميه او مسقعه لازم يكون فطاركو صحى اعملو زى مثلا
انا امبارح فطران بسله وفراخ ورز

ههههههههههههههههههههههههه

انا بقى النهارده فطرت محشى ورق عنب على فكره انا بفطر بعد مابصحى بحوالى 6 ساعات عشان كده مش بيفرق معايا فطار لانه كده كده متاخر

هههههههههههههههههههههههههه
ياسلام يا خالد هوا دا النظام الصحى يا بلاش
انا بقا فطرت مسقعة [ندعوك للتسجيل في المنتدى أو التعريف بنفسك لمعاينة هذه الصورة]

عكاكين

قالوا لاتتريق على حد ولا تضايق حد لانك ممكن تكون بتعمل زيه واسوء

هههههههههههههههههههه
هوا في أسوأ من الفراخ والبسلة والرز

شامم ريحه تريقه

احنا نقدر برده احنا بننكشك بس
بنلعب مع الاسد زى مبيقولوا [ندعوك للتسجيل في المنتدى أو التعريف بنفسك لمعاينة هذه الصورة]

طب حاسبو لحسن الأسد جعان

ههههههههههههههههههههههههههههه
وماله فداك يا ريس