السلام عليكم ورحمة الله وبركاته
أولا. قلل من ذنوبك .
طبعا كل واحد فينا بيرتكب ذنوب ومعاصى لان كلنا بشر ومفيش حد مننا ملاك يبقى أول حاجه تقلل من
سيئاتك حاولوا تقعدوا مع نفسكم وشوفوا السيئات الى بتعملوها وقللوا منها على قدر الامكان مش هقول لكم مره واحده لا بالتدريج علشان يكون الامر مستطاع.
ثانيا. الصلاه فى وقتها.
مهما كانت الظروف والاسباب حاول أن تقوم للصلاه فى وقتها ويحبذ لو كانت جماعه.
ثالثا. السنن فى الصلاه.
قال الرسول صلى الله عليه وسلم (( من لم يتبع سنتى لا تحق له شفاعتى)) لازم نواظب عليها على قدر المستطاع
السنن المؤكده هى 12
2قبل الفجر و4 بعد الظهر و2 بعد الظهر و2 بعد المغرب و2 بعد صلاة العشاء.
رابعا .قيام الليل.
ده اجره عظيم جدا عند ربنا كثير مننا بيسهر يتفرج على التليفزيون أويسهر على النت بس محدش من الناس دى بيفكر يصلى الفجر حاول تصحى قبل الفجر بنصف ساعه وأستغفر ربنا وأتوضأ وصلى لان صلاة
الفجر جزاءها كبير عند ربنا.
خامسا .صدقه يوميه.
حاول تطلع صدقه كل يوم ولو ربع جنيه مش مهم المهم ان تحافظ على العاده دى.
سادسا. قراءة القرءان الكريم.
ورد كل يوم حاول تقرا القرءان ولو كل يوم صفحه واحده المهم يكون بتمعن وتركيز عشان تتقرب الى الله
وحاول ايضا ان تحفظ ايه او أيتين مش كثير عليك صدقونى وحاول وا تحفظوا واحده واحده وهتلاقواانفسكم حفظتم القرءان كله.
سابعا. اذكار الصباح والمساء.
مش هتاخد من وقتك كثير بسيطه وقليله وفوائدها كثييييييييييييير.
ثامنا. غض البصر.
وده للولاد والبنات كمان مش للاولاد بس .
يارب موضوعى يعجبكم وصدقونى التقرب من الله مهم جدا وجزاكم الله كل خير
الرئيسية 
