مجنونه بحب الحياه!

مجنونه بحب الحياه!

انا غير كل الناس انا مش زى باقى البشر
انا بتحدى كل الحزن والتشاؤم
انا اعلى من الفرح والتفاؤل
انا مخلوق بسوط عايش حياتى بعلو الصوت
انا فرحان فرحان ومفيش للحزن عندى مكان
انا صادق بكلامى مش كاذب باوهامى
انا عندى احلام هتتحق فى يوم
انا عارف حاجات غير ماعرفهاش
عارف معنى الحياه وازاى تتعاش
اصل انا مش حيوان عايش ياكل وينام
اصل انا مش ورد فيه الشوك والالام
انا اصلى راضى بالقسمه والنصيب
وعارف ان البعيد هيكون فى يوم منى قريب
مابشلش هم بكره عشان اعيش النهارده
ماعرفش حاجه عن امبارك غير ذكرى سعيده فى قلبى محفوره
كل مافرح افتكرها وكل ماحزن تنسينى حزنى
انا عايش على ذكرياتى الجميله
انا عايش على الامل والتفاؤل
واخاف ليه
وانا بكره مش بايديا
ده بايد الخالق
والماضى عدى وفات
وليه اعيش فى جراح الماضى
واضيع لحظات فى حياتى على الفاضى
اصل عمرى امبارح راح
والحاضر ده ماعرفهوش
يجى زى مايجى
هاعيشه يعنى هاعيشه
وهاعيشه مبسوط
اصل الحياه مش واقفه ولا بتستنى
الحياه مستمره مش واقفه على حد مات ولا بتستنى رجوع قريب
انا عايش راضى ومتراضى
راضى بحالى وانا مالى
ان جالى الحزن هترده
ان جالى الفرح هندهه
ان جالى الشر هبعده
ان جالى الخير هاحمد ربى على نعمه مش عند كتير من الناس او يمكن موجوده عندهم بس هم مش حاسيين بقيمتها
انا شخصيه طبيعيه عايش فى الدنيا ديه
مش هاقول انى سويه عشان مفيش شخصيه سويه
مش هاقول الحياه مفيهاش مشاكل
بس كل مشكله وليها حلها
ولاهو لازم نتشاكل مع المشاكل
انا انسان مش عادى بتحدى الحزن وادوس عليه برجليا
انا مخلوق فى الدنيا ديه عشان اعيشها مبسوط سعيد
مالى انا بالحزن الكئيب
اصل انا معرفش الانانيه
ولا حتى كلمه من اللى مش هى
بس اعرف التواضع والمحبه
واعرف السعاده والفرح
واعرف ان فى حاجات بتيجى حبه حبه
وليه استعجلها
ماتيجى وقت ماتيجى
معرفش الحقد والحسد
بس اعرف الفرح لغيرى حتى لو يوم اذانى
معرفش اشيل من حد اصل يوم ممكن يشيل منى
واللى بعمله النهارده فى الناس هيطلع على عينى بكره
ماعرفش احاسب حد اصل الحساب ده لربى
ماعرفش اغير من حد
اصل الغيره دى مش من طبعى
لو يوم ضيقت حد ياريت يقدر يسامحنى
انا غير كل الناس اصل انا مخلوقه من الاحساس
عرفتونى انا مين
انا انسانه مش طبيعيه انا مجنونه بالدنيه ديه
مافتونه بعمرى
والفرح فى حياتى ملك ايدى
انا عندى حلاوه روح مش زى اى روح
انا اعرف قميه اللى قدامىواعرف ازاى احافظ عليه واقدره
اعرف معنى الصداقه
واعرف اعيش الحياه
اصلى عايشه حياتى صح
ماهو عمرى مش بايدى
ممكن اموت النهارده او بكره او بعدهوالموت بيجى فى لحظه وانا احب اعيش اللحظه
لو غلط اتعلم من غلطى
وفيها ايه مين فى الحياه مابيغلطش
واعيش حياتى عادى واتمنى الخير لغيرى
انا اصلى بحب الحياه ومجنونه بحبى ليها
عشان كده عايشها بفرح تفاؤل وامل
ماهى دى 3 حاجات
اقصد 3 اسرار من اسرار الحياه
ياريت تعملوا زى تحبوا الحياه وتعيشوها
وتنسوا الماضى وتفكروا بالحاضر
عشان ممكن يترتب عليه المستقبل
ولو جيه المستقبل هتفكر فى الحاضر اللى هيبقى ماضى
وليه تبص لورا وتعلق نفسك بالماضى
دى الحياه زى الكتاب
مكون من صفحات
فيه صفحات سعيده وغيرها حزينه
ولو فكرت فى الحزن هتنسى معنى الفرح
ومش هتشوف مستقبل
عيش حياتك صح
عيشعا بفرح وتفاؤل وامل
وانسى اى جرح
حب حياتك وابتسملها
بكره تحبك وتبتسملك

امضاء
محبه للحياه

لم أجد من الكلمات ما يوازى تقديرى لكلماتك الجميلة
تسلم ايدك كأنك حاسة باللى جوايا
شكرًا

العفو

بس الكلام ده انا كتبته وانا حاساه
وكنت فى وقت مكتئبه فطلعت كل اللى جوايا

يعينى عليكو انتو الاتنين وانتو قاعدين مكتائبين كده

ليه بس انا كتبت وانا مكتئبه دلوقتى لا انا اسعد واحده فى الوجود

هو فين الاكتئاب ده بس الكلمات فعلا جميله اوى

هو معنى الكلمات انى كنت فى جو اكتئاب وبالكلمات دى انا بتحدى الدنيا وبطلع من اكتئابى ده

بس تحفه ويارب دايما سعيده ومتفائلة

يارب يامريومه الكل يكون سعيد ومتفائل يارب

زائر

احساسك راااائع
تسلمي

ثانكس نغم ده من ذوقك منورانى

فعلا فعلا مفيش احسن من انك تعيشي الدنيا بالطول وبالعرض الدنيا جميله قوي بس للي يحبها ويفهمها انا من محبين الدنيا

تسلميلى dony ده من ذوقك

» إذا كانت الحياه لعبه فهذه هي قوانينها