]size=18]نسي الفوطه
نسي الفوطة
وناس واقفة بتتريأ ومبسوطة
وناس تانيه بتستغرب ومنقوطة
ليه الدكتور نسي الفوطة
و هو يا عيني كان واقف ....... ووشه أحمر ولا القوطة
و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها أبقوا حـــــــاكموني
سنــــين ضاعت في ثانوية..... كفاح دامي وعــرق ودموع
وبعد المعركة الحامية..... قدرت أنجح وأجيب مجموع
أخيراً حلمنـــــــــــــــــا أتحقق .....هخش الطــــــــب وأدّكــــتر
رسالة جميله ومعـــاها...... مقام عالي وفلوس أكـــــــتر
و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابها لي ......وخذله حلاوة عشــــرة جنيه
في أول يوم لـــــــــبست جديد ......وشلت البالطو رحـت لاقيت
زميلي إتحــشروا في مــدرج...... عامل ولا عــــــلبة الكبريت
ولكــن برضه مايئستش
دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري...... هظبّــــــــط نفسي في العملي
جريت عـ المشرحة بسرعة...... لكن كالعادة خاب أملي
دخلـــــت لاقـــيت 200واحد....... بيتخــــــــانقم على الجثة
وناس واقفة من الزحمه ......على كتافي ومـــــــش حاسة
و لسّه أنا برضه مايئستش
و طبــــــعاً حسّوا بظــــروفنا .......وحطّولنا امتحان فوازير
وكل أمّا أجي أحــل ســـــؤال....... أقف أدّامــــــه زى الــــــزير
و لسّه أنا برضه مايئستش
وجينا في لجنة الشـــــــــفوي....... وكان أدّامي واد كوسة
خد الـدرجـــــــات مـن الدكتور..... وخد فوقهـــــــم كــمان بوسه
دخلت أنا قام مكشر لي ....... ومن أولــــــــها عقــــــــدني
سألني سؤال... ماردي تشي........... خبطني الزيرو وطــــــردني
و لسّه أنا برضه مايئستش
سنه بتمشــي وســــنه بتيجي ........مقـــالـــب بعـــدها مقــــــالب
زميلي إتعينوا و قبـــــــضوا .......و أنا شايـــــل لـــــــقب طالب
و لسّه أنا برضه مايئستش
كبـــــــرنا شـــويه وقالونا....... خلاص دلوقتي شوفوا حالات
و رحنـــــــا نشوف وكالعادة........ دا كله بيطلع إشتغالات
و لسّه أنا برضه مايئستش
بشوف الشاب من ســــــــني........ واقـــــــــف ويّا البنات مرتاح
و لــــو عديـــــت أنا يقولــوا........ راح الدحّـــاح .....جه الدحّاح
و لسّه أنا برضه مايئستش
لحد ما خلصم السبعة ........وقلت خلاص هروق وهعيش
و قبل ما أفوق من الصدمة........ خدوني عشان أخـــش الجيش
و لسّه أنا برضه مايئستش
وقعت هناك في إيــــد ضابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته
و لسّه أنا برضه مايئستش
خلااااص السبعة بقوا عشرة........ ولسه أنا ماشي جنــب الحيط
و بان السن علــــــــى وشي ........و شعري ابيض و إصلعيت
و لسّه أنا برضه مايئستش
وبعد ما قـــــلت كــــــــفاره ........خلاص هرتاحلى بقى كام يوم
لاقيتهم تـــــــــانــي واخدنّي .......عشان تكليـــــــــفي في السلوم
و لسّه أنا برضه مايئستش
و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي
و لسّه أنا برضه مايئستش
و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زى الترمــــــجيه
و لسّه أنا برضه مايئستش
و أديني بعيش وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدولة
و لسّه أنا برضه مايئستش
قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولمّوا فلــــــــــوس وسابوهاله
و قال دكتورنا عـ الفوطة........ تعــــــالوا هشـــــيلها أنا بكرة
لكن أهل المريض قالــــــوا........ خلاص........ سيبهالنا للذكرى[/size]
الرئيسية 
