الفرق بين الحب والاعجاب

الفرق بين الحب والاعجاب

كتييير اوى بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضح له بعد كده ان ده كان مجرد إعجاب
او حصل انه اعجب بشخص اوى وكانت مجرد فتره فى حياته
وسابه واتضح له بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب

الإعجاب
هو لما تنجذب أو تعجب بصفات معينة فى شخص تعرفه وبتتعامل معاه أو حتى بتشوفه من بعيد
ممكن تعجبك طريقه كلامه أو طريقة تفكيره أو خفه دمه أو نظرته لمستقبله أو لشخصيته الممتازه وبالتالى بتشوف الكثير من مميزاته فبيحصل إنك عندك شعور قوي بالإعجاب به لدرجه ممكن تخليك تخلط بين هذا الإعجاب وبين الحب
ولكن إلي لازم نعرفه هو أن الإعجاب هذا يجب أن يكون مرحلة من مراحل الحب الحقيقى
والإعجاب ممكن يكون فى حياتنا العامة يعنى ممكن أن نعجب بشخصية معروفة فى المجتمع وبالتالى ممكن أن نعجب بأكثر من شخص فى وقت واحد
وأحيانا يتوهم الشخص عندما يحس بشعور الإعجاب تجاه شخص اخر ويظل يهتم بهذا الشعور حتى تصل لمرحلة إنك تتخيل شى وهمى فى عقلك وتتخذ بناء عنه خطوة مش فى في مكانها
الحب الحقيقى
أجمل إحساس ممكن تحسه أو تعيشه فى حياتك وهو عبارة عن شعور بتحسه ناحيه شخص معين ومش بتعرف ايه السبب لأنها غريزه وضعها الخالق فى قلوبناوبتقدر إنك تعبر عنها فى حرفين بس هم ح ب
وعشان تتاكد أن حبك هذا حب حقيقى مش مجرد إعجاب وخلاص لازم تمر بجميع مراحل الحب الطبيعيه
اولا الانجذاب العاطفى
وده بيكون مجرد إنك تحس إنك منجذب للشخص ده وحاسس انك بتهتم به وبتهتم تعرف اخباره اكتر من اى واحد تانى
ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى
ثالثا بدايه الحب
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وتتمنى يبقى معاك على طول
وحتلاقى فى الفتره دى بتحاول تخلط المواقف اللى تجمعكم ببعض وتلاقيك بتستنى حتى الصدف اللى تجمعكم
يعني عادة فتره بداية الحب بتبقى قمه فى الرومانسيه وبعيده عن الواقع ومشاكله وعيوبه
الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل في المرحله لحظات فرح كتيير ولكن حتظهر لحظات الزعل من الشخص إلي معاك لما تحط ايدك بجد على عيوبه لكن طبعا حتحاول من جواك انك تعديهاواكيد هيحصل بينكم إختلافات لكن مش تخافوا فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب إلي قدامه ويقدر انه يمتصها ويخليها تبقى مجرد لحظات وتعدي وكأنها لم توجد هو إلي حيقدر يحافظ على حبه
ولو الواحد قدر يمر بالمراحل دي فى حبه فإنشاء الله الحب ده حب حقيقى مئه فى المئه
وعلى فكره ممكن انك تلاقى الحب الحقيقى فى حياتك وممكن متلاقيهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل
واتمنى ان كل واحد فيكم يلاقى الحب الحقيقى
ويارت اعرف رايكم فى الفرق بين الاعجاب والحب

انا من راي الاعجاب نظره عابره وبتتنسي وحب الشكل وليس الجوهر اما الحب فهو كيميا بتحصل من غير سبب وبنحب روح الشخص بعيدا عن اذا كان حلو اوحش ده راي المتواضع

هو كل واحد ليه راي بس مش فيه حب بيجى من غير اعجاب الاول
والاعجاب مش لازم يكون بالشكل ممكن يكون اعجاب بالشخصيه اللى قدامك او طريقه الكلام

الاعجاب بيكون أعجاب بشكل أو ميزة معينة أنت بتحبها أما الحب ده إحساس راقى مش بتشوف مميزات الانسان بس وتحبها لأ العيوب قبل المميزات

فى الاعجاب مش مهم أن الشخص ده يكون معاك فحياتك أو لأ لكن الحب بيبقى حد أنت تتمنى تكمل حياتك معاه
الموضوع جميل أوى تسلمى

تسلمى موضوع جميل جدا بس الحب
لية معنى اسمى كتير من لاعجاب
ممكن يكون فى حب كبير بين طرفين معرفوش بعد لاول
يعنى خطوبة تقلدية او جوازة تقلدية منغير حب وبعدين بينقلب ا
لاكتر من ماتتخيل اكتر من روميو وجوليت صدقينى عن تجربة حقيقة

مرسييى اوى يامرموره انتى جبتى من الاخر ووضحتى الفرق بين الحب والاعجاب

معاكى حق ياسمسمه ياما ناس كتير بتتجوز تقليدى وبيقلب بحب كبير بعد كده

فعلا انتو عندكوا حق فى ناس كتير بتتخطب او بتتجوز تقليدى وبعدين بتتقلب لحب لدرجه مئه بالمئه وانا جربت الكلام ده
وكمان الاعجاب بشخص ممكن يكون اعجاب بصفه معينه او ميزه فى الشخص اللى قدامنا لكن الحب بيبقى حبنا للشخص اللى قدامنا بكل حاجه بكل مميزاته وبكل عيوبه بس ده ميمنعش ان الحب بييجى بعد اعجابنا بالشخص اللى قدمنا بس ساعتها بيبقى حب حقيقى وقوووووووى والكلام ده عن تجربه والله
موضوع جميييييييييل اوى يا بوبا
تسلم ايدك

تسلملى منى

زائر

تسلمو

تسلمى موضوع جميل جدا

تسلم ايديك ياقمر وانا من رايى ان الحب بيكون تجانس بين الطرفين وتفاهم ومواقف حلوة كتيرة بتجمعهم وبتقربهم من بعض وحاجات تانى جميلة

تسلم الايادى يابوبا موضوع جميل ناااااااااااااايس توبيك ياقمر

تسلمولى

» الفرق بين الحب والصداقه
» هل الحب الثانى يمحى الحب الاول؟؟
» الفرق بين الحبيب والخطيب والزوج