قصه فلسفيه لصلاح جاهيين

كان فيه ولد صغيّر ... عنده انتاشر سنه .
عيّل مفعوص و قصيّر ... و غاوى فَتونه ،

بيمثل دور فى ذهنه ... لشخص عظيم الشأن ،
و يوماتى يحلق دقنه ... مع إنه مالهش دقن .

بالموس و خلاص و يحرت...( المجنون البعيد )
لحد ما دقنه كبرت ... قال لك ده اليوم ده عيد

و وقف قدام مرايته ... يتنط م الفرح
اكمنَّه ( حسب روايه ) ... زى باباه انجرح ..

تَعَ شوفه بقى النهارده ... راجل بيه د الحيط
و صداغه كل فرده ... فيها من القطن غيط ،

يحلف ع النار و الميه ... مهو حالق جمعتين

و دى قصة فلسفية ... مغزاها ف كلمتين :

شرم برم ، يا حلوللى ... هأو أو إشّ إشّ ،
ترالاللى ، أمان يالالاللى ... حرنكش ، طظ فش

حلوة اوى بس كان نفسى افهم المغزى
تسلم ايدك يا بوبا

بصى انا حباها اوى بس متهياقلى المغزى انك متقلدش حد عاشن لكل حاجه عيبها وميزيتها وبص للعيب قبل الميزه
يعنى الطفل ده قلد باباه وحلق دقنه فلم كبر بقى يحلقها كتير من كتر مابقت تطول بسرعه

تسلمى يا بوبا هيا جميله فعلا
كان قصدى بس كلماته الاخيرة
شرم برم ، يا حلوللى ... هأو أو إشّ إشّ ،
ترالاللى ،
أمان يالالاللى ... حرنكش ، طظ فش

لا ياعمرى ده تقريبا كان بيدندن

بعنى اصح كانت تريقه

بس تريقه جلوة اوى
تسلمى يا بوبا

ههههه جميل خالص يابوبا الله ينور

ثانكس ميمو ده من ذوقك ورمضان كريم وسعيد على الكل

» الدرس انتهى لصلاح جاهيين
» الحرب مش نزهه لصلاح جاهين