شوية نكت اخر حاجة

واحد بخيل اوى اوى راح يتزوج لقى المهر 10000 جنيه
قلهم معروض عاليا وحده حامل وبــــــ 2000 بس
-----------
واحد محشش مسكتة دورية قالتلوة اركب قال
لا شكرا البيت قريب
-----------
كان فى واحد اسمة ما لكش دعوة و واحد اسمة مخ فراح مخ يشترى الملح وملكش دعوة
بيلعب كورة فى الشارع الظابط خدة وقال له اسمك اية قال له ما لكش دعوة يا بية فقال لة تانى فبعت لمة وقال لها ابنك اسمة اية قالت لة ما لكش دعوة يا بية فقال لها انتى ما عندكيش مخ فقالت له لا راح يجيب ملح
-----------
ايه رايك فى مشكله الغذاء فى العالم
كانت هناك مسابقة بين أمريكي وأوربي وصومالي ومصري
فسألوا الأمريكي: إيه رأيك في مشكلة الغذاء في العالم؟ فقال: عالم يعني إيه عالم؟، أنا معرفشي أي عالم غير أمريكا.
فسألوا الأوروبي: إيه رأيك في مشكلة الغذاء في العالم؟ فقال مشكلة! يعني إيه مشكلة؟، أنا معرفشي حاجة اسمها مشكلة.
فسألوا الصومالي: أيه رأيك في مشكلة الغذاء في العالم ؟ فقال غذاء !، يعني إيه غذاء؟، أنا معرفش حاجة اسمها غذاء.
فسألوا المصري: إيه رأيك في مشكلة الغذاء في العالم؟ فقال رأي! يعني إيه رأي؟، أنا معرفشي حاجة اسمها رأي ........ هاهاهاها
النكتة كما تعلمون هي بمثابة متنفس للشخص عند شعوره بالانفجار والضيق من شيء ما .. ومن هذا المنطلق إليكم نكتة هذا العام، من وجهة
-----------
الناس بيسألوا جحا وبيقلولوا عندك كام سنة
قال لهم 40 سنة
بعد 10 سنين بيقلولوا عندك كام سنة؟ قال لهم 40 سنة قالولوا ازاى اذا كنت من 10 سنين قلتلناانك عندك 40 سنة؟ قال لهم اصل كلمة الراجل واحد
-----------
انتين مساطيل سايقين عربيه واحد بيقول للتانى حاسب هنخش فى الشجره والتانى منفض اله حاسب ياعم والتانى
ولا فى دماغه يا عم حاسب المهم خبطو فى الشجره الاولانى اله مش قتلك حاسب هنخبط فى الشجره التانى رد عليه اله ايه يا عم مش انتا الى سايق ههههههههههه
-----------
مرة حرامى دخل على واحد مسطول البيت قالو هات فلوسك و الا هقتل مراتك قام الرجل
قعد يضححححك...الحرامى قتل مراته وقاله هات الفلوس قبل م اقتل ابنك الرجعل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟ راح ضاحك وقاله انا عارف ان دى الكاميرا الخفيه هههههههههه
-----------
واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال
استنى شوية .. حاطنّنعك دنوأتي قاله نببنا يخننيك بسنعة .. قال له
و كمان بتتنيأ ؟؟؟ طب شوف مين حيطننعكّ ؟؟؟؟؟؟؟؟؟؟ كان فاكرة بيتريق على اكمنه اخنف هههههههههه
-----------
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا
بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
-----------
اغرب رساله حب
مرة مهندس كهربائي بعت لحبيبته جواب فقالها"معبودتي الحسناء الانسة "نجفة"لا ادري كيف اقاوم "تيار" حبك الذي "حترقت" بناره مهجتي
وكثيرا ما هزتني" موجة" من الشوق وسرت في جسمي سريان "الكهرباء" ولست ادري كيف اسلاكي" وكيف اقوم اعوجاج" سلوكك "الاخير نحوي لقد "انطفا مصباح" املي وهاانا اتخبط فيي دياجير الظلام فتعطفي يا حياتي وانحيني" مفتاح" قلبك لاهتدي بنورك الوضاء "وهاانا ابعث اليك بخاتم تزينه قطعة من "ماس ""فلبس هذا الخاتم ينم عن حبك لي وحبذا لو تسمحين بفسحة خلوية في "عين شمس" بجوار عزبة النخل وتقبلي تحية حبيبك" نور" الدين بكزم " النور

واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
.المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس

مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
المسطول:اه اختى

واحد رخم عرف ان الاموات بتحس وتسمع باللى بيحصل حواليها
راح الترب و شغل الكاسيت على العالى باغنية الحياه حلوه

واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك

واحد باشا الزمن دار عليه وافتقر حب يشتغل اشتغل بتاع فجل وجرجير
وقف فى السوق وهو لابس الطربوش وبيقول فجل يا حوش جرجير يا كلاب

مره ابو العربى دخل القسم فالظابط بيحقق معاه قال له
ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مش فيها فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه

مره واحد اسكندرانى لقى واحد بنته راجعه الساعه 3 بالليل
فقالها كنتى فين يا بت قالتلو كنا بنتمشى مع واحد صحبى يابا قالهم خشى نامى احنا نحبو الصراحه

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت
قال نفسي أشرب قالوا له قوم أشرب قال لسه حقوم اردم

كان فى مرة واحد دماغه بتلف
راح يقابلها من الشارع اللى وراه

مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا

مرة واحد جزار قال لمراتة : انت ما حطيطيش
احمر لية قالتلة: الاحمر خلص احطلك دهن

مرة واحدة قالت لحبيبها البخيل
(اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى

مرة واحد واقف قدام التلاجة بيفتح الباب بتاعها براحة
ويقفلة تانى جة صاحبة وقالة لية كدة قالة اموت واعرف مين بيطفى النور من جوة

هههههههههههههههههه
جامدين النكت دى

بس رجاء يا امانى قبل كتابه الموضوع
تختارى القسم المناسب اللى يتم وضع الموضوع فيه
تم نقل الموضوع الى قسم اضحك كركر

هههههههههههههههههههههههههههههههههههههههه
حلوين اوى يا امانى
بس عقبال مخلصت كانت عنيا زغللت
هههههههههه
بليز كبيرى حجم الخط
تسلمى ياقمر

ميرسى جداا ع الردود يا سمسمةة انتى وخالد وحاضر عينى هكبر الخط وهحدد كمان الموضوع

جامدين اوى النكت يا أمانى

ميرسى ليكى يا نونة

هههههههههههههههههههههههههههههههههههههههه
حلوين اوى يا امانى
مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا

ميرسى ليك يا ميميكس اهم حاجة يكونوا عجبوك

امانى انا مش بجامل نكت بيخة جدا جدا بس اكيد انتى اجمل من ميت نكته Wink

ماشى يا فيجو شكرا برضه ع الرد

اوعى تكونى زحلتى او اتحصبتى او اتنرفزتى انا شايفهم وحشين عشان انتى احلى منهم

الله يخليك يافيجو كله من ذوقك والله تسلم ياعم

نكت جامدة اخر حاجة امانى تسلم ايدك

وايدك ياعثل تسلمى يارب

لا والله شويه نكت فى الجون

بس خدى النكته دى

مره واحد احول عنده
ولد احول . الراجل بيشوف اى حاجه اربعه و ابنه بيشوف اى حاجه اتنين دخل
الولد على ابوه الصالون و قاله :بابا اجيبلك شاى انت و عمى قاله الاب : لا
..و خد اخواتك و اطلع بره
Laughing

هههههههههههههههههههههههههههههههه لا بجد جامدة تسلم ايدك

هههههههههههههه ربنا يخليكى يارب

» شوية نكت على الصعايدة يارب يعجبوكم
» رابــــطــــة المهيســــــين(( تهيس اخر حاجة ))
» شوية نكت من التيييت اللى قلبك يحبهم اللى عايز يألش على صحابه يخش