آه يادنيا
يا دنيا مالك فيكى ايه...
دايماً بتعاندي معايا ليه
اقابلك فاتحلك احضاني ...
الباب في وشي بتقفليه
ولو فرحتي قلبي يوم ...
ايام كتير بتأسي عليه
مش كفايه قلبي مليان جراح ...
هاتبقي انتي والزمن عليه
من حلم ضاع من بين ايديا ...
في لحظه وكنت ماسك اديه
فراقه كان جرح في قلبي ...
وكابوس ياما صحيت عليه
ولا حبيبي اللي قدام عينيا ...
بيتألم ومش عارف اعمله ايه
حاسس في يوم هايروح مني ...
وارجع تاني اندم عليه لكن
يارب انا راضي ...
باللي قسمته وحكمت بيه
وهاعيش علي امل وحيد...
تسعد قلبي وترضي عليه
يارب من غير رضاك ...
الحياه بقي لازمتها ايه
لا مال ينفع ولا اولاد ...
في واحد انت غضبان عليه
يارب هاسألك بكل اسم ...
سميت بيه نفسك وبلغت بيه
تشفي حبيبي من جراحه ...
اللي بتوجع قوي فيه
وتجمعنا في يوم ميعادك...
مع حلمنا اللي حلمنا بيه
نبقي سوا في جنة رحمتك...
بشفاعة محمد والقرآن اللي بين ايديه