المقااادير:
3 كوب دقيق
1 ملعقة صغيرة بيكنج بودر
رشة ملح صغيرة (اوعو تحطوا كتير)
1 كوباية زبدة (بس تكون طرية وسايحة شوية يعني )
1 كوباية سكر بودرة ناعم
2 بيض
مربي مشمش (عشان نلزق بيها)
رشة فانليا
ندخل بقي علي الطريقة هي سهلة خااالص والله ولو جربتوه هيعجبكم
الطريقة :
هننخل الدقيق كده في صينية ونحط عليه البيكنج بودر والملح وسيبه بقي.
2-حطي بقي في الخلاط او في اي وعاء عندك الزبدة والسكر واضربيهم بالمضرب الكهربي
لحد ماتحسي انه بقي زي الكريمة كده بعد كده نحط البيض بس بيضة بيضة ونضرب لحد مالبيضة
الاولي تختفي ونحط التانية ونضربهم كويس اوووي وطبعا رشة الفانليا عشان تضيع ظفارة البيض كده تمام.
3-بعد كده بقي هنحط الدقيق بس بالتدريج حبة حبة ونقلب بمعلقة خسب عشان العجيبة الاول متلزقش كده في ايديك
ونحط باقي لدقيق لحد لما تحسي انها بقيت حلوة كده وعجينة كويسة تمام ونسيبها ترتاح شوية بقي في لتلاجة
لمدة ممكن 5دقايق عقبال ماتروقي مطبخك من الحاجة الي استخدمتيها.
4-هنفرد العجينة بقي علي الرخاامة بتاعت المطبخ (بس طبعا تكون نضيفة جدا ) وتكوني رشة عليها دقيق هنفردها بالنشابة ونخلي سمكها
يعني 4 ملم تقريبا.
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 880 كيلوبايت .
5-نقطعها بقي باستعمال حاجة مدورة كده ممكن كوباية يعني كبيرة او القطاعة الي علي شكل ديرة دي هتبقي مجموعة
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 644 كيلوبايت .
وفي مجموعة تانية هنقطعها برده دواير بنفس القطاعة بس هنخرمها من النص كده ممكن بقي بغطاء ازازة
ولا حاجة صغيرة تمام كده.
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 691 كيلوبايت .
6- هنجيب الصيبنة ونفرشها بورق الزبدة (اانا عن نفسي مكنش عندي ورق زبدة حطيت الورق الالمونيوم الفويل ده و مسحتة بحتة سمنة صغننة) ونرصهم فيها وندخلها الفرن حوالي 10 :15 دقيقة كده
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 722 كيلوبايت .
7- سيبيه يبرد بعد مايطلع من الفرن و لازقيه بالمربي كل واحدة سليمة مع واحدة مخرومة فهماني طبعا
بس كده ونرشه علي وشه سكر بودرة وممكن تزوقيه برده بجوز الهند او تسيبه سادة كده او
الشكولاته الي هي فارمسيل دي
اي حاجة بقي للتزين
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 463 كيلوبايت .
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 2048x1536 والحجم 742 كيلوبايت .