تعرف امتي هتصعب عليك نفسك

[ندعوك للتسجيل في المنتدى أو التعريف بنفسك لمعاينة هذا الرابط]

تعرف أمتى هتصعب عليك نفسك ؟

لما تلاقى كل اللى بتحبهم قدامك مش عارف مين بيحبك فيهم
ومين بيكرهك ومين مش واخد باله منك اصلا .

عارف أمتى هتصعب عليك نفسك ؟

لما تحس بنفسك انك قدام قدام أوووووى
وبعدين تلاقى نفسك آخر واحد .

عارف أمتى هتصعب عليك نفسك ؟

لما تحس انك مش ليك لازمه فى الدنيا ومش عارف تسيبها.

عارف أمتى هتصعب عليك نفسك ؟

لما تلاقى شخصيه موجوده فى حياتك ومكتوبه عليك
ومش ليها اى لازمه فى حياتك
وللاسف مش عارف تخليها بعيده عنك.

عارف أمتى هتصعب عليك نفسك ؟

لما تبكى على شخص بتحبه وهو مش واخد باله منك
وتلاقى الى بيمسح دموعك اشخاص تانيين بيعشقوك
وانت بردو مش واخد بالك منهم .

عارف أمتى هتصعب عليك نفسك ؟

لما تحس ان حياتك كلها ملهاش اى معنى ولا اى لازمه.

عارف أمتى هتصعب عليك نفسك ؟

لما تفكر فى الموت وتعد كام واحد هيجوا على قبرك
يبكوا عليك.
وكام واحد هيزعل على فراقك

عارف أمتى هتصعب عليك نفسك ؟

لما تعيش مع بنى آدم وترسمله شخصيته وتحترمها
وفى الاخر تلاقيه شخصيه تانيه وكأنه واحد أنت متعرفهوش

تعرف أمتى هتصعب عليك نفسك ؟

لما تبكى بحرقه واللى بتبكى عليه ناسيك
وانت للاسف مستنيه يمسح دموعك.

تعرف أمتى هتصعب عليك نفسك ؟

لما تستنى اى كلمه اى نظره اى ابتسامه حتى لو بالغلط
من حبيب سابق لمجرد أنك تحس بس أن
لسه فيه ناس بتحبك وبتحس بيك

عارف أمتى هتصعب عليك نفسك ؟

لما تكتشف اخيرا انك ضيعت احلى سنين عمرك فى حاجه تافهه
ومع حد ميستحقش وحتى الحاجه التافهه دى راحت.

تعرف أمتى هتصعب عليك نفسك ؟

لما تلاقى حبيبك بيقول نفس الكلام وبيغنى نفس الاغنيه
اللى كانت بتتقال ليك أنت لحد تانى وانت مش قادر تحس انها ليك.

تعرف أمتى هتصعب عليك نفسك ؟

لما تحب حد أوى وتبقى مستعد تديله أى حاجه
وتضحى علشانه بأى حاجه والحد ده مش حاسس بيك أ
و بيعمل أنه حاسس بيك وهوه بيعمل كده
علشان بس بيشفق عليك

هتصعب عليك نفسك اوى لما تصرخ بأعلى صوتك
ومفيش حد بيسمعك ولا حتى نفسك

هتصعب عليك نفسك اوى لما تصرخ بأعلى صوتك
ومفيش حد بيسمعك ولا حتى نفسك

تسلم ايديك يا ايمى بجد جميلة اوووى كالعادة

كل دا ولا يفرق معايه

بتصعب عليه نفس اوى لما بتتلمو وترخمو عليه وملقيش حد معايه

ههههههههههههههههههه يا حرام وعلى كده بتفضل تعيط طب خد منديل

لا خلاص يا محمد
ما دام بتصعب عليك نفسك لما بنتلم حوليك
يبقي خلاص مش هعمل كده تاني
شفت انا قلبي
اببض ازاااااااي

ياريت يكون ابيض بجد

ناااااااااااااايس توبيك ياايمى جميله جدااااااااااااااااااااااااا

نايس توبيك يا احلى ايمى
ومعلش يا محمد علشان كده انا هعيط من كلامك
ومش هنتلم عليك تانى

تسلم ايدك يا إيمى

بجد ياايمى من احلى الكلمات اللى سمعتها فى سنين عمرى كلها

توبيك رائع بجد يا ايمى رووووووووووووووووعه
تسلم ايدك يا قمر

واسمحيلى اعلق على كل جمله يعنى من وجهه نظرى المتواضعه المتوازيه العموديه الافقيه الحاده

لما تلاقى كل اللى بتحبهم قدامك مش عارف مين بيحبك فيهم
ومين بيكرهك ومين مش واخد باله منك اصلا .

لو كل واحد اتعامل مع الناس زى مابيعملوه مش هتفرق معاه حب من كره مدام مابيغضبش ربنا ولا بيقصر فى حق حد منهم

لما تحس بنفسك انك قدام قدام أوووووى
وبعدين تلاقى نفسك آخر واحد .

مش هتفرق كتير طول ما انت عايش لازم تتقدم وتتأخر والشاطر اللى يقدر يقوم بعد مايقع ومايقولش انا تعبت

لما تحس انك مش ليك لازمه فى الدنيا ومش عارف تسيبها.

لو مالكش لازمه فى الدنيا ماكنتش هتبقى عايش وفيك نفس وطول ما انت عايش اعرف انك موجود لسبب معين وانت اللى عليك تدور وتعيش وتشوف السبب

لما تلاقى شخصيه موجوده فى حياتك ومكتوبه عليك
ومش ليها اى لازمه فى حياتك
وللاسف مش عارف تخليها بعيده عنك.

فى حياتنا الحلو والوحش مكتوب علينا ولو كل واحد دور كويس فى علاقاته بالناس هيقدر يعرف حكمه وجودهم ايه

لما تبكى على شخص بتحبه وهو مش واخد باله منك
وتلاقى الى بيمسح دموعك اشخاص تانيين بيعشقوك
وانت بردو مش واخد بالك منهم .

يبقى كويس انى عرفت اللى يستحق انى ابكى عليهم والشخص اللى اهملنى علمنى درس مانسهوش ويشكر عليه

لما تحس ان حياتك كلها ملهاش اى معنى ولا اى لازمه.

لو الواحد مالوش لازمه ماكنش زمانه بيتنفس ولا اتحسب من الناس ولا اتكتبله رزق وحياه بس الشاطر اللى يدور على هدف يدى لحياته معنى فى نظر نفسه وفى نظر الناس وعلى رأى احمد مكى لو مالكش عازه ماكنتش اتخلقت ولا اتحسبت من الناس ولا اترزقت

لما تفكر فى الموت وتعد كام واحد هيجوا على قبرك
يبكوا عليك.
وكام واحد هيزعل على فراقك

لو فكرت فى الموت بطريقه تانيه زى العظه والحكمه والرهبه غير الناس وانتمائهم ليك اكيد مش هتصعب عليك نفسك الا لو ماكنتش عامل حاجه صح تخليك تفتخر بحياتك

لما تعيش مع بنى آدم وترسمله شخصيته وتحترمها
وفى الاخر تلاقيه شخصيه تانيه وكأنه واحد أنت متعرفهوش

هيكفينى شرف افكارى ورسمى لشخصيته واحترامى ليه طول الفتره اللى دامت بينا وهغير طريقه وطبيعه العلاقه وبكده هيبقى اسمه معرفه وراحت لحالها

لما تبكى بحرقه واللى بتبكى عليه ناسيك
وانت للاسف مستنيه يمسح دموعك.

لو كل واحد اقتنع انه ماحدش هيحس بيه غير نفسه واهله وماحدش هيمسح دمعه غير ايده وايادى اهله عمره ماهيبكى لحظه على اى حد فى الدنيا غير كل عزيز وغالى

لما تستنى اى كلمه اى نظره اى ابتسامه حتى لو بالغلط
من حبيب سابق لمجرد أنك تحس بس أن
لسه فيه ناس بتحبك وبتحس بيك

لو ركز كل واحد فينا فى معرفه الناس اللى حواليه هيلاقى ناس تانيه حوالينا بتحس بينا احسن كتير من اللى على بالنا وناسينا

لما تكتشف اخيرا انك ضيعت احلى سنين عمرك فى حاجه تافهه
ومع حد ميستحقش وحتى الحاجه التافهه دى راحت.

دى احلى حاجه فى الدنيا لانك بكده اتعلمت درس هيوفر عليك سنين تانيه كان ممكن تضيع منك فى مستقبلك

لما تلاقى حبيبك بيقول نفس الكلام وبيغنى نفس الاغنيه
اللى كانت بتتقال ليك أنت لحد تانى وانت مش قادر تحس انها ليك.

لو علق كل واحد منا ذكرياته بكلام واغنيه يبقى كلام الدنيا واغانيها كلها هيبقى ذكريات مانضمنش يمكن مرها يبقى غالب عليه ويعيش طول عمره مسجون جوه ذكريات مره علشان كلمه لا تسوى شئ

لما تحب حد أوى وتبقى مستعد تديله أى حاجه
وتضحى علشانه بأى حاجه والحد ده مش حاسس بيك
و بيعمل أنه حاسس بيك وهوه بيعمل كده
علشان بس بيشفق عليك

ساعتها الاحسن انك تنساه وتوفر تضحيتك لحد مستعد يضحى علشانك باكتر من اللى انت مستعد تضحى بيه

هتصعب عليك نفسك اوى لما تصرخ بأعلى صوتك
ومفيش حد بيسمعك ولا حتى نفسك

ساعتها لازم تصرخ بصوت اعلى واعلى ومش مهم الناس ولا حتى نفسك لان رب العرش العظيم سامعك ومعاك

ردى على التوبيك مش معناه انى بقلل من الكلام الموجود دى وجهات نظر
وانا حبيت اوضح وجهة نظرى للحياه فى المواقف المذكورة مش اكتر ولا اقل

وسمعونى بقى احلى سلام

عارف أمتى هتصعب عليك نفسك ؟

لما تكتشف اخيرا انك ضيعت احلى سنين عمرك فى حاجه تافهه
ومع حد ميستحقش وحتى الحاجه التافهه دى راحت
تسلم ايدك يا ايمى

تعليقك هااااااااااااايل يا خليك فى حالك
تسلم ايدك

شكرا جزيلا يا قمر انتى تعليقك احلى

» لو عاوز تعرف الاعضاء بيقولو عليك ايه ادخل هناااااا
» كيف تحمى نفسك ؟!
» صعب واصعب اي الجمل صعب عليك