عناوين جرانين المستقبل لصلاح جاهين

احـنا العـمال اللى انقـتلوا
قـدام المصنع فى ابو زعبل
بنـغـنى للدنـيـا ونـتـلو
عناوين جرانـين المستـقبل:
"وحـدة صـف الأحـرار"
"جـبـهـة لكـل الثـوار"
"عـبور الجـيـش لسـينا"
"الـزحف مـن الأغـوار"
"جـيش العـدوان يتقـهقر"
"الأرض قــايـدة نــار"
"والبـحر قـايـد نــار"
"الاستـعمار أثـبت فشـله"
"البـيت الأبيض لا يخجل"
"إحـنا العـمال اللى انقتلوا"
"قدام المصنع فى أبو زعبل"
بـنـغـنى للدنـيا ونتـلـو
عنـاوين جرانـين المستقبل:
"محـكـمة للـمـجرمـين"
"قائــمة بالمـتـهـمـين"
"إدانـة مسـتر نيـكسون"
"بقـتل الاسـطى ياسـين"
"القــاتل اسـتـعـمارى"
"القـتـلـى وطنــيـين"
"عـمــال مـدنـيـيـن"
"نـصارى ومسـلـمـين"
"مرتكبو المذبـحة يعتـقلوا"
"الحـكم علـى المتهم الأول"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عنـاوين جرانـين المستقبل:
"الجـو غــدا يتحـسـن
معرض لزهور السـوسن"
"الخطـة الخـمسية تنـفذ"
"مهرجانات النـصر غـدا"
"تصـفـية الصهـيونـية"
"دولـة فلسطين .. تعـلـن"
"دستور وقوانين .. تعـلـن"
"حريـة الدين .. تعـلـن"
"قوس تذكارى جارى عمله"
"طالين منه احنا وح نفضل"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عناوين
جرانين
المستقبل

تسلم الايادى يا بوبا
رمضان كريم

ثانكس مرموره منوره ديما
الله اكرم

مواضيعك كلها تحفة يا بوبايا

تسلم ايدك يا قمر

تسلميلى توتة يارب رمضان سعيد عليكى

جمييييييييييييييييييييييييييييل اووووووووووووووووووووي يابوبا الله ينور عليكي

ده نورك ياميمو منورانى ديما