كلام سريع عن المذاكره

بقلم د/شريف عرفه

الامتحانات قربت و كل سنة و انتم طيبين يا شباب
[ندعوك للتسجيل في المنتدى أو التعريف بنفسك لمعاينة هذه الصورة] ..
بالمناسبة دي هاكلمكم النهاردة عن الذاكرة.
لو عايز تحسن ذاكرتك هاديلك شوية حاجاتقالتها مجلة (GoodLiving-issue 11) ممكن تساعدك.. و أضفت عليها شوية حاجاتكده, من وحي خبرتي في عالم المذاكرة:

الأكل:

لازم تهتم بالأكل , و خصوصا الأكلات إلي ممكن تحسن أداء الذاكرة.. مثل :
التمر- اللوز- الحليب- التفاح –العتب الغامق- و كل مشروبات الصويا..
و كمان العسل و شاي الجنزبيل و عصير الجزر محفزات رائعة للذاكرة...
و تجنب الكحول و المخدرات طبعا, لأنها بتضيع الذاكرة !!!

النوم
Sleep

:

فيه بعض الأبحاث بتقول إن النوم
هو مرحلةبيقوم فيها العقل بتثبيل المعلومات إلي خدناها طول اليوم .. يعني
يفضل سيادتك تنام بعد المذاكرة شوية بدل ما تفضل سهران الليل بطوله و انت
مش مركز و قاعد تذاكر برضه !
الراحة مهمة و لازم تذاكر و انت
مركز , وتنال قسط مناسب من النوم.. بس إوعى يبقى النوم هي و سيلتك
المفضلةللهرب من المذاكرة ... انا باقول نام لك شوية بعد ما تذاكر مذاكرة
كتيرة..

التنظيم:

مهم جدا قبل ما تذاكر , ترتب
الورق والمذكّرات و الكتب بتاعتك.. كل مادة لوحدها و كل جزء لوحده.. عشان
تعرف بالضبط (حجم) كل مادة..عشان تعرف بالضبط فاضل لك إيه و ذاكرت ايه
فتقدر تعرف هاتذاكرها في وقت أد إيه.
التنظيم نص المذاكرة.. لأن
الورق لوكله على بعضه , مش هاتعرف تذاكر و هاتيأس و تسيب المذاكرة و
تقوم..لأنكمش عارف راسك من رجليك.. خليك فاكر : التنظيم نص المذاكرة.

الألحان :

لو فيه معلومة معصلجة معسيادتك و مش عارف تحفظها, غنيها !
أيوه .. لو حاولت تفتكركلمات أغنية .. مش هاتعرف تفتكرها إلا لو افتكرت اللحن, ساعتها هايبقى سهل تفتكرالكلام ..
الألحان بتخلي الحفظ أسهل.. مشملاحظ إن بتوع الإعلانات بيحطوا اسم المنتج في أغنية ؟
عرفت ليه ؟
عشان الناس تحفظها !!

مثال :
إعلانات أرقام الانترنت .. أكملالأغنية : 0777(و بعدين ؟)

بلاش لخبطة:

أي عمل غير منته في حياتك , ممكن يخلي بالك مشغول..
فضي نفسك للمذاكرة و بلاشتخلي بالك مشغول في 5638 حاجة !

الضحك :

الحاجات المضحكة عمرها مابتتنسي..
لو فيه معلومة معصلجة معاكحطها في نكتة او بص لها كإن دمها كفيف ..
اخترع النكت و اسخر منالمنهج اللي بتحفظة هاتلاقي نفسك بتحبه و عارف تذاكره..

مثال :

كنا بندرس عن عالم كبير اسمه (مالبيجي) و كان اسمه رخم و مش عارفاحفظة.. أول ما تخيلت انه اسمه (مليجي) بس خواجة.. لقيتالعملية سهلة الحفظ !

اهتم:

من المهم أن تكون مهتما بما
تقرأ.. يعني حاسس انك عايزتعرف المعلومة دي فعلا و عايز تستفيد منها..خليك
حاسس بالفضول نحو الموضوع عشان تلاقيه مسلي.. و حط دماغك في الموضوع ..

قرر:

قرر إنك هاتحفظ المنهج بنسبة100% مهما كلفك الأمر , و ذاكر بهذه العقلية و انت مصمم إن : يا انا يا الأمتحانبقى !
سبب رئيسي بيخلينا مش عارفيننحفظ , و هو اعتقادنا الداخلي ان ذاكرتنا ضعيفة !
لو آمنت ان ذاكرتك قوية وقلت كده لنفسك , و قررت إنك هاتحفظ و تستوعب المنهج كله بأقل تفاصيله, هاتترسخ جواكالفكرة دي .

خليك إيجابي:

حط خطوط تحت الكلام المهم , لخص النقاط المهمة , سمع لنفسك , ..... اعمل حاجات ملموسة تحس منها إنك ماشي في الطريقالصحيح و مش سلبي.

ركز في التفاصيل:

اعتبر كل معلومة صغيرة مهمة ..و اعتبر انكهاتحكي كل التفاصيل دي لواحد صاحبك بكرة و انتم خارجين مع بعض.. اعتبر إن فيه ناس صحابك عايزين يعرفواالتفاصيل دي و انك هاتحكيهالهم بكرة..
و خلي بالك ..
ادي نفسك فرصة انك تنسى شوية.. كل ما تذاكر كتير, هاتنسى حاجات مش مؤثرة قوي..
لكن لو مذاكر قليل, لو نسيت معلومة واحدة هاتروح في أبو نكلة !

اتكلم بصوت عالي :

بكده حواس كتير هاتشتغل على
المعلومة دي .. اشرح المعلومةدي لحد , أو اكتبها و اقراها تاني .. ماتبقاش
بس مستقبل سلبي للمعلومة, طلعها من جواك برضه -بأي طريقة- عشان ترسخ
المعلومة أكتر.

المراجعة :

بعد كل ده .. راجع يا باشا !
و ابقى قابلني لو سؤال وقفقدام سيادتك.

مع تمنياتي لكم بالنجاح والتوفيق يا شباب
وابقو قولولى عملتو ايه...

يارب المعلومات دى تفيدكم
والامتحانات تعدى على خير
وبالتوفيق للجميع
[ندعوك للتسجيل في المنتدى أو التعريف بنفسك لمعاينة هذه الصورة]

ربنا يوفقكم يا ولاد

هو ده الكلام ولا بلاش تسلمى ايمى

ياولاد
الله يرحم
ماشي يا انكل خالد

ياريتنى كنت لسة فى الدراسة ياايمى والله معلومات حلوة جدا ومفيدة شوقتينى للمذاكرة بس تسلم ايدك ويارب المذاكرة تيجى بفايدة وتنجحوا كلكم قولوا امييييييييييييييين

اميييييييييييييييييييييييييييييييييييييييييييين
ادعيلي يا اماني عشان
انا بجد قلقانه اوووووووي
وخايفه جدااااااا

مافيش احلي من كده ايمي هو ده الكلام المظبوط في الوقت المناسب بجد رااااااااااااااااااااااااااااااااااااااااااااااااااااااااااااااااااااائع

اي خدمه يا ميمووووو

تسلم ايدك يا ايمى بجد كلام مفييييييييييييد اوى وياااااااااااااااااااارب ننجح ونخلص بقى

يااااااااااااااااااااااااااااااااااارب

جامدة جدا المعلومات وقوية ويارتنا كنا فى ايام الدراسه فعلا كنا استفدنا.
ويارب يا ايمى انتى وكل زملائك تنجحوا وبالتوفيق ان شاء الله

» اى كلام فاضى معقول
» كلام خطير جدا جدا جدا جدا جدا والله خطير